今晚英超车路士主场迎战「狐狸」李斯特城。车仔刚於英足盃决赛互射12码不敌利物浦，痛失冠军打击士气，加上球队近期主场表现飘忽，就算有地利亦难有把握喺比赛早段攻破对手，半场和可以捧场。

（Now 622周五凌晨3时直播）

车路士啱啱喺英足盃决赛同利物浦斗足120分钟，最终互射12码落败，同奖盃擦身而过。呢支伦敦劲旅激战过後元气大伤，一班球员亦难免感到失落，加上联赛早早跌出争冠行列，只能无奈接受冇盃落袋嘅残酷现实。已锁定英超前4嘅车仔季尾表现飘忽，同攻力疲弱不无关系，尤其球队近7仗联赛主场，半场全部同对手打和，证明冇乜板斧，贵价前锋卢卡古成季都未能踢出最佳水准，车仔进攻难有作为。

无缘争夺欧战席位嘅李斯特城冇嘢好争，余下赛事成为例行公事，佢哋联赛作客好耐未赢过，今仗面对车路士亦唔敢冒进。考虑到「狐狸」头号射手占美华迪已经伤愈复出，车仔必然会加以提防，预料两军比赛早段都会以试探性质为主，半场和属不二之选。