马体会射手迪比今季表现欠佳，长坐冷板，但呢位29岁荷兰国脚球场失意，情场得意，被踢爆同性感女模特儿Coral Gutierrez躂着，难怪搞到场上脚软，失去以往脚脚七注嘅强劲射门。

迪比2021年夏天由里昂转投巴塞隆拿，今年1月加盟马体会，原本有唔错表现，但今季被教练施蒙尼投闲置散，仅上阵7次西甲入2球。英国《太阳报》指呢位前曼联翼锋几个月前，搭上西班牙性感女模特儿Coral Gutierrez，佢亦毫不避忌，上载2人度假影片上社交网「放闪」，确认2人情侣关系。

Coral Gutierrez拥有骄人身材，喺社交网Instagram(IG)有超过5万粉丝，佢亦好大方经常「派福利」上载性感泳衣相片到IG，部份相片更加系无上装，令到网民睇下哗哗声，试问迪比又点样专心比赛呢？