狂牛开杀戒！今晚国际热身赛轮到西班牙登场，喺主场迎战安道尔。今场强弱悬殊，「狂牛兵团」可以尽情数胡，练吓进攻战术同点样攻破对方密集防线，预计战况一面倒，睇好佢哋上半场就数到几球，1.5球半场大有计。（Now 618周四凌晨3时30分直播）

「狂牛」主帅富安迪喺早前点兵拣咗29人初选名单，今季西甲、欧联同西超盃「3冠王」皇家马德里竟然只得3人入选，佢哋就系祖斯奴、丹尼尔卡华积同拿祖费南迪斯，最大争议系竟然唔拣卢卡斯华斯基斯，反而巴塞隆拿同皇家苏斯达各有5人入选。一份咁有争议嘅名单，如果今场大炒唔到安道尔，富安迪肯定会做箭靶，所以相信西班牙今场唔会留手，全力进攻。

既然领队咁重视「巴塞帮」，几位巴塞球员今场都会肩负重任，耶马、费伦托利斯、柏迪、费明同古巴斯都会全力搏杀，皇马3子因为刚踢完欧联决赛，今场唔会上阵，预计贝迪斯射手艾约斯佩雷斯，皇家苏斯达孖宝奥耶沙巴尔同苏比文迪都会落场，争取表现。

安道尔对上一次同西班牙交手已经系20年前，结果净吞4蛋，近年佢哋对英格兰同葡萄牙等欧洲一线球队，都以大比数落败，加上西班牙近4场半场3次开2球或以上，估计「狂牛」一开波就抢，安道尔必定做炮灰，半场输2至3粒唔出奇，半场大捧得过。