巴西名将丹尼尔早前因涉嫌强奸被捕，喺巴塞隆拿监狱住咗超过1个星期，西班牙媒体亦开始曝光丹尼尔嘅监狱生活。据报39岁老将有一将价值100欧元嘅「储值卡」，畀佢喺狱中Shopping，而且丹尼尔其中一名狱友，更加系朗拿甸奴前保镳，总算有熟人照应。

由於被拒保释，丹尼尔被捕後一直入狱，西班牙《每日体育报》报道，丹尼尔因为安全问题，近日曾经转换监仓，其中一名狱友同佢昔日队友「古天奴」同名，而呢位「古天奴」又系丹尼尔老友朗拿甸奴嘅前保镳，有熟人睇住应该可以安心啲。

另一西班牙节目《Ya es mediodia》更爆料，话丹尼尔获发一张100欧元「储值卡」喺狱中购物，据报佢买嘅都系生活用品，包括4罐吞拿鱼、4个乳酪、1樽洗头、1支除臭剂同几罐能量饮品。