英足盃第4圈最後一场，打比郡主场越级挑战英超球队韦斯咸。打比郡保持19场不败，主场出击当然希望再进一步，韦斯咸近况虽然好番啲，但仍然要为护级而头痕，盃赛场合多数都会留力出击，加上「锤仔帮」近5场英足盃法定时间4次开2球或以下，今场捧中位数2.5球入球细为妙。（无綫myTV SUPER周二凌晨3时45分直播）

记性唔差嘅球迷，一定记得上季打比郡踢得唔错，如非因财政问题被减21分，佢哋嘅分数系英冠中游分子，所以降到落英甲，即使部分球员离队，仍然有足够实力驰骋，佢哋由旧年10月22日不敌叶士域治之後，跟住造出19场不败成绩，现时排英甲第4位，有力争升班之余，亦可以喺盃赛发吓围。

事实上佢哋喺英联盃，曾经作客利物浦踢成0比0，只系互射12码被淘汰，可见佢哋一心防守，要攻入佢哋唔系咁容易，韦斯咸攻击力比红军更弱，打比郡死守博偷鸡机会更高。

韦斯咸现时联赛只离降班区1分，好彩最近3场赢两仗，叫做有番啲起色，两场胜仗都保持零失球，而不敌狼队亦只系下半场仅失1粒，虽然攻力未必好好，但防守力仍然唔错，今场相信领队莫耶斯都唔会太大胆用太多正选及主攻，今仗随时系闷战一场，早早买咗个细，瞓醒起身收钱最好。