冬季转会市场最後时刻惊喜不断，车路士中场佐真奴突然转投阿仙奴，唔单止令好多球迷感到意外，就连车路士队友古古列拿都「吓一跳」，佢周二(31日)喺一个访问期间，得悉佐真奴转会消息後做出震惊反应，片段即被网民疯传。

就喺佐真奴同阿仙奴斟介期间，车路士嘅西班牙球星古古列拿正为《GOAL》做访问，当时佢被问到觉得车路士阵中边个球员最聪明，古古列拿就回答：「100%系佐真奴，因为佢......」就喺古古列拿准备解释呢个答案，工作人员就话佢知佐真奴已经唔再系车路士球员，佢已经着起阿仙奴波衫。古古列拿当时表现相当震惊，话自己有睇过呢单转会传闻，但就估唔到最终真系成事。