士气正盛唔留手 曼联大盘值博
2023-02-02 来源: 八一体育 点击
英联盃4强次回合,曼联回师主场再斗诺定咸森林。「红魔鬼」首回合作客赢3比0,半只脚入咗决赛,森林想收复失地都只能寄望奇迹出现,形势上曼联今场只要正常发挥就可过关,冇乜压力下随时有更好表现,加上佢哋近6次主场全开3球或以上,不妨拣2.5球入球大。(HOY TV 77台、有线601及661台周四凌晨4时直播)
曼联於联赛2比3不敌阿仙奴後,球员士气及信心并冇被打沉,英联盃4强首回合对森林,即大胜3比0极速反弹,上仗英足盃第4圈面对雷丁,亦轻取对手3比1,中场卡斯米路个人梅开二度,虽然有基斯甸艾历臣伤出,仲有巴西国脚费特顶住,人脚充沛点换都唔惊。
新兵韦格贺斯上回合开斋
曼联今晚对完森林,嚟紧联赛再於主场迎战水晶宫,更加要延续主场气势。睇番「红魔鬼」近期表现,对住下游或低组别球队,好多时都入到3粒,奥脱福主场出击更系入球保证,近6次主场全开3球或以上,世盃後脚风甚顺嘅拉舒福特上场对雷丁入唔到波,今场势必全力数胡,已於首回合开斋嘅新兵韦格贺斯,更加唔会放过入波机会,要撕破森林防线话咁易。
诺定咸森林今季第3度遇上曼联,对上两次交手都输0比3,足见双方实力有明显差距,不过佢哋都有一定进攻能力,除上回合不敌曼联外,近7仗其余6场都取得入波。既然森林反胜晋级机会唔大,倒不如放开怀抱,同对方合演入球骚,等球迷有得开心。
上一篇:吼中澳职70倍波胆组合 其实唔难 | 下一篇:云佬搵曼联求救 有意借用艾兰加 |
相关阅读
- 02-02云佬搵曼联求救 有意借用艾兰加
- 02-02尼敦锺斯求救 修咸顿想打包2前锋
- 02-02森林又抢「喜鹊兵」 将签舒维尔
- 02-02英联盃4强次回合 纽卡素有1球在手睇定食
- 02-02热刺又增兵 4200万镑收购曼城弃将
- 02-02韦斯咸盃赛旺「细」可再追
- 02-02达米安入靓波 国米率先闯意盃4强
- 02-02阿仙奴闪执车仔卖剩蔗 厂迷唔Buy
更多>>精选阅读