朗尼囝囝Kai日前在英超U13全国盃北部决赛，为曼联少年队上阵对战曼城，结果Kai仔射入1球，协助曼联赢2比0捧盃，将会在全国总决赛火并阿仙奴。

Kai仔捧盃後喺个人社交网站报喜，写道「全国盃，2比0击败曼城，打得好」，英媒报道指，其实Kai仔去年曾在曼彻斯特少年打吡战对曼城入波，系一记精彩笠射，至於今次决赛入波兼捧盃就更有意义。

喺少年比赛界别，Kai仔因为父亲系朗尼而成为名人，但其实佢能够担任曼联少年队主力系靠真材实料，佢上季交出56球28助攻，打破曼联U12入球纪录，拍得住佢老窦当年神童风采。

喺较早前一个访问中，Kai仔扬言要喺10年後为曼联踢英超，并为此目标一直在努力，而佢偶像就系父亲：「咁讲可能好无聊，但我嘅灵感可能来自父亲，佢帮咗我好多，教识我好多足球知识，就算喺车内，听佢以教练身份同球员讲话都有得益。」

虽然现时效力曼联U13，但Kai仔坦言自己最爱球队系爱华顿，亦系佢父亲出道嘅球会。