法国前锋宾施马离开皇家马德里後，周三(7日)凌晨正式宣布登陆沙特阿拉伯劲旅伊蒂哈德，双方签约至2026年。35岁嘅宾施马坦言今次转会其中一个原因系「C朗效应」，证明沙特联赛发展迅速。

宾施马周三正式拎住伊蒂哈德波衫亮相，合约为期到2026年，宾施马表示：「伊蒂哈德系一次新挑战，沙特阿拉伯系一个好联赛，有好多出色嘅球员，我好朋友C朗已经喺度，佢证明沙特联赛已经走得好前，我希望喺呢度可以同我喺欧洲一样咁成功。」

虽然伊蒂哈德未有公布宾施马嘅合约细节，但据沙特传媒报道，宾施马每年人工连同商业收入，可以达到2亿欧元(约16.78亿港元)。宾施马将会着伊蒂哈德9号波衫，球会主席表示：「签入欧洲足协先生，系沙特联赛嘅一大里程碑！」