曼联将於周日(29日)晚上11时30分英超「曼市打吡」主场对曼城，大战前夕，曼城主帅哥迪奥拿当红魔鬼冇到，佢提到4支争标劲敌，包括利物浦、阿仙奴、纽卡素、热刺，完全唔将曼联放在眼内。

哥迪奥拿接受英国《衞报》访问时话：「我执教曼城以来，曾经有1季，我哋同曼联非常接近，但总括而言，曼城主要对手都系利物浦，为我哋带来前所未有嘅挑战，另外，阿仙奴、纽卡素正在崛起，热刺亦想挑战我哋，佢哋今季表现非常好，至於车路士仍然重建之中。」

至於讲曼联，哥迪奥拿话：「佢哋需要做出正确决定，选择正确管理层、领队，仲有球员，如果做得到，我相信曼联会卷土重来。」似乎哥帅暗寸紧红魔鬼现时由管理层、领队到球员都唔掂。