英国《Talk sport》爆料，连格已拒绝同曼联续约，今夏将回复自由身离队，海阔天空，曼联希望减少损失，打算在1月转会窗关闭前将连格外借或出售，但韦斯咸除外，因为对方系争前4嘅直接竞争对手。

曼联看守领队兰历克并无重用连格打算，令佢长坐冷板，连格为摆脱困局，离队系唯一选择，由於佢合约只余半年，佢大可以躺平等约满离队，不过曼联打算将佢外借或出售，减少损失。

报道指，曼联为连格标价为350万镑借用费，非常之平，其实最想签佢嘅系韦斯咸，上季连格外借到韦斯咸，半季攻入9球，表现出色，并重返国家队，但曼联唔会放佢去韦斯咸，因为两队系争入前4嘅主要对手。

曼联嘅目标买家系纽卡素，对方系护级球队，又有充裕资金，系接收连格嘅理想球会。