巴黎圣日耳门近年系法甲大富豪，罗致球员毫不手软，佢哋球员薪酬更加系冠绝联赛。据新一期《队报》报道，今季法甲头20最高月薪嘅球员当中，PSG嘅球员就已经占据头14位，可想而知佢哋几咁好待遇。

纵使近年受疫情影响，但法甲球员嘅薪酬待遇近年仍有显着上升。据法国《队报》报道，法甲整体球员薪资由2018/19年球季嘅13.8亿欧元上升至依家嘅17.3亿，当中6.29亿系巴黎圣日耳门嘅球员占有。

而喺头20名最高薪嘅球员当中，PSG嘅球员就占据咗头14，首位当然系尼马啦，佢嘅月薪高达408.3万欧元，比第2位嘅美斯足足高70.8万，而第3位就系月赚222万欧元嘅基利安麦巴比。

打後嘅就系马高华拉堤同马昆贺斯，佢哋月薪系120万欧元。就连今季踢得4场嘅沙治奥拉莫薪都赚紧79.2万排第12。要数非PSG系嘅球员，摩纳哥嘅宾耶达同法比加薪，以65万同60万分别排第16同18位。讽刺嘅系，虽然前者赚少过PSG球员咁多，但佢暂时以17球位踞射手榜首名，比麦巴比仲多两球。