荷兰领队尹戈尔日前公布自己患上前列腺癌，而且病情唔轻，但喺世盃外期间一直瞒住球员，後防大将华基尔云迪积克都系睇电视先知呢个消息，佢回应表示，要喺世界盃上畀佢一个惊喜。

VVD获悉老帅患病後，立即向对方发一条短信鼓励，佢话：「知道老帅患病後我好惊讶，佢下星期会出纪录片，初时我以为只系拍片宣传，讲吓自己生活之类，但呢个消息对我哋嚟讲，真系好大打击。」

VVD坦言，现时佢哋可以做嘅只有一件事，就系为尹戈尔踢好世界盃：「我同佢讲，无论任何需要，我哋全部人都会支持佢，我哋亦会踢一届佢永远记得嘅世界盃。」