利迷好消息!传沙拿让步40万周薪续约3年
2022-04-06 来源: 八一体育 点击
穆罕默德沙拿同利物浦嘅合约谈判出现转机!周日(3日)英国媒体报道,沙拿准备向球队作出让步,接受40万英镑周薪嘅待遇,并同球队续约3年,无疑为「红军」喺今季争冠道路上打下强心针。
29岁埃及国脚穆罕默德沙拿,今年喺国家队遭遇唔如意,先失落非国盃冠军,又未能助祖国打入世盃决赛周。早前佢同利物浦嘅合约谈判更一度陷入僵局,将於明年夏天完约嘅佢希望加薪至50万英镑周薪,同效力曼联嘅C朗平起平座,但球队早前却以势打破队内薪酬结构为由拒绝,一度传出沙拿明年将完约离队。
不过近日据英国《镜报》报道,沙拿喺同球队嘅续约问题上出现新转机。据闻沙拿已经回心转意,答应球队提出嘅40万镑周薪续约条件,并将签约多3年,续延佢嘅传奇「红军」生涯。早前佢接受英国《天空体育》访问时便向利物浦表明心迹:「如果你问我,我会想继续留低直至挂靴。我唔能够想像有一日我要倒戈利物浦,如果系咁我会好伤心。」
上一篇:足球财经权威:菲尔科顿值1.5亿镑! | 下一篇:曼联想签达云纽尼斯 坦哈格欧联畀佢踢 |
相关阅读
- 05-24曼城先声夺人!孖宝齐攞英超最佳奖项
- 05-24C朗受伤缺阵煞科战 曼联随时冇埋欧霸资格
- 05-24正式反面!罗拔仔经理人:拜仁已成历史!
- 05-2421/22英超冠军-曼城-最终战骇人游戏
- 05-24曼联新帅首次专访 10条妙计激活红魔鬼
- 05-24奇兵根度简省两粒 曼城戏剧性反胜维拉夺冠
- 05-24孙兴民激斗沙拿齐夺金靴 亚洲史上第1人
- 05-24感激曼城支持 辛真高想将奖盃带返乌克兰
更多>>精选阅读