皇马前锋宾施马今季疯狂入波，排西甲及欧联神射手榜首，呢位34岁老将仍然可以创出足球事业高峰，令人啧啧称奇，前阿仙奴主帅云格认为，呢位法国同胞之所以愈战愈勇，全因减肥成功。

云格话：「欧洲最好嘅前锋都系30岁以上，例如罗拔利云度夫斯基、宾施马、伊巴谦莫域，佢哋擅於利用对手每次错误，取得入球，宾施马30岁之前，身体超重2至3公斤，现时拥有真正运动员嘅体型，亦系佢可以成为当今球坛最佳两三位前锋之一嘅原因。」

罗拔佬、C朗等老牌射手仍然保持最佳身形，所以表现并冇因为年纪增长而受影响，云格讲法的确有道理。云格亦大赞宾施马踢法聪明，用最简单直接方法完成入波。