李斯特城受到财政问题困扰，今个夏天几乎冇买过人，但就放走韦斯利科芬拿、卡斯柏舒米高等主力，上场作客2比5输畀白礼顿後，罗渣士被炒已进入倒数。Betfair上场前已将罗渣士列为英超下个被炒领队大热，周一(5日)更加宣布封盘，佢哋喺社交网表示：「我哋相信罗渣士喺李斯特城已经玩完。」

据报李斯特城将要赔偿1,000万镑炒罗渣士，而且已经物色新领队人选，今个夏天被般尼炒鱿嘅戴治目前系自由身，被传系李斯特城嘅头号人选，前热刺领队普捷天奴同样系候选人，但呢位阿根廷主帅同时获西维尔斟介，要争赢都唔容易。