白礼顿近年表现突出，今季开咧更加名列前茅，不过领队朴达突然被车路士挖走，令球队要另觅领军人选。据报白礼顿睇挪威籍领队洛特臣，佢同朴达嘅执教风格同出身都有唔少相似之处，被视为「朴达二世」。

朴达嚟英国执教前，曾经喺瑞典教过7年，将奥斯达辛斯由第4级联赛带到上瑞典超，并喺欧洲赛有好表现。白礼顿今次睇中53岁嘅洛特臣，喺2018年执教啱啱升班嘅波杜基林特，但喺2020年、2021年连续2年称霸挪超，上季更加喺欧霸盃杀入8强，相当唔简单。

英国《每日邮报》报道，白礼顿希望搵一个风格同朴达相近嘅领队，进一步发展球队已经建立嘅良好根基，而萨克达嘅意大利籍教头迪萨比亦系候选人之一。