非洲劲旅塞内加尔周一(14日)飞抵多哈，准备出战世界盃决赛周，不过传媒竟发现王牌球星沙迪奥文尼「失踪」，塞内加尔官员亦证实该前锋并冇随大军出发，但就唔肯透露当中原因，令球迷担心沙迪奥文尼嘅伤患会令佢错过入届赛事。

沙迪奥文尼上星期为拜仁慕尼黑比赛期间受伤，有传佢伤势严重将会错过今届世盃，但系塞内加尔仍然决定选佢入伍，早前更有足总官员话要请巫医协助治疗，希望沙迪奥文尼可以「奇迹」复出。塞内加尔大军周一喺巴黎集合，随即飞去多哈参赛，高列巴尼、艾度亚文迪等球星悉数在阵，但沙迪奥文尼就冇份随队。

塞内加尔发言人表示：「沙迪奥文尼的确唔喺呢班机上面，我唔可以话你知佢喺边，目前亦冇佢抵达嘅具体时间，有消息我哋会再公布。」