非洲劲旅摩洛哥周日(27日)喺F组2比0击败比利时，赛前出现一幕离奇画面，球队出场名单原本系正选门将耶辛尼保奴，不过当双方列队奏国歌仪式完结後，大合照嗰阵耶辛尼保奴突然消失，变成後备门将蒙尼亚莫汉特。

摩洛哥喺开波前最後一刻神秘换人，连电视台都措手不及，莫讲话大会嘅出场介绍换唔切人，连《BBC》嘅评述员都蒙在鼓里，当巴舒亚伊喺25分钟射门被救出，评述员仍然话系「耶辛尼保奴救出射门」，完全唔知踢紧嘅系蒙尼亚莫汉特。

摩洛哥领队列格拉基赛後就事件解画：「耶辛尼保奴上场对克罗地亚受伤，情况唔太稳定，我哋尝试到最後一刻，但佢喺热身之後好诚实咁话有唔妥，所以让出正选位置，蒙尼亚莫汉特今场亦有好出色嘅表现。」