克罗地亚性感女球迷Ivana Knoll世盃期间游走於各大球场及旅游地标，袒胸露臂尺度大胆，无视当地禁止女性衣着暴露法规，比赛期间，更被影到两名卡塔尔男士色迷迷丧影Ivana Knoll一幕，证明无论社会几保守，男士身体最诚实，事件吸引全球网民围观，虽有卡塔尔名人辩驳，但理由苍白无力，根本冇人信。

今届世盃有两位平凡人上位，一男一女，男士系南韩靓仔前锋赵圭成(马会译名)，佢IG粉丝由2万急升至200万，女士就系呢位Ivana Knoll，佢喺世盃期间照样性感无视当地法规，IG粉丝人数亦上升至125万，搞笑嘅系，当佢粉丝人数突破100万，就特别上载呢张卡塔尔男士偷拍佢嘅经典场面，继续吸Like。

讲番呢张图片，Ivana Knoll如常衣着性感，在看台上落楼梯，旁边两名卡塔尔男士见到佢，立即攞手机丧影，面露色迷迷表情，呢个场面被有人心影低放上网，有网站转发後配上文字「男人始终系男人」，讽刺当地禁止暴露嘅虚伪。

有卡塔尔名人试图反驳，为两位偷拍男士辩解，一名商人喺网上回覆：「佢哋影相唔一定锺意佢，系因为讨厌佢衣着不当，想举报佢，所有卡塔尔人都会认同呢点。」网民当然唔同意，有人回覆：「先生，你嘅理由太搞笑，从佢哋面上表情、肢体语言同拎手机方式，都非常清楚佢哋做紧乜。」「你必须承认卡塔尔男士都会犯错。」