西班牙於世盃E组以次名出线，16强将会硬撼摩洛哥，赛前主力费伦托利斯就决定放松一吓心情，带住女朋友兼西班牙主帅安历基嘅囡囡Sira喺卡塔尔周围玩，仲喺社交网站大晒二人合照，心情睇落相当唔错。

根据Sira社交网站发布嘅相片，相信佢同男友费伦托利斯16强前夕，去咗位於决赛场地附近、Al Maha岛内其中一个游乐场，佢哋仲对住镜头高举一个巨大嘅金色香蕉公仔，笑得好开心。

两人2021年开始拍拖，而Sira系一名专业马术运动员，主项参加场地障碍赛，亦系巴塞隆拿皇家马球队嘅成员，喺IG拥有超过210,000位粉丝。

费伦托利斯年仅22岁，目前效力紧巴塞隆拿，佢喺今届世盃表现唔错，首场对哥斯达黎加嘅分组赛更加个人梅开二度，希望呢位年青翼锋叉足电後，可以喺淘汰赛有更佳发挥。