今晚英冠独脚戏，韦根主场硬撼锡菲联。两军实力强弱悬殊，韦根不但於下游挣扎，主场表现亦欠佳，撞正近6仗赢5场嘅锡菲联，凶多吉少，客胜有计。(有线661及601台周二凌晨4时直播)

韦根愈踢愈颓，依家位处英冠尾二位置，虽然有阿仙奴名宿高路托尼早前接任为新帅，但喺上周首度领军，纵然有威尔坚尼先拔头筹，但最终只能打和米禾尔1比1，近12仗联赛只得2胜2和8负，非常肉酸，若果单计主场联赛，近6仗亦仅得2胜4负，当中多场系先失波，今仗就算主场出击亦帮助不大。

相反，前列分子锡菲联未有因世盃休战而影响状态，上仗凭老将比利沙柏一箭定江山，小胜哈特斯菲尔德1比0，呢个亦系佢自今年3月後首个联赛入波，有助重拾信心。事实上，锡菲联近6仗联赛取得5胜1负，包括以5比2大破榜首般尼。若果单计客场联赛，锡菲联今季11仗获6胜2和3负，系英冠作客成绩第2佳球队，今仗遇上态沉嘅韦根，可食住个势反客为主，客胜不容错过。