美斯终於圆梦举起生涯首座世界盃，并且带世界金盃时隔36年後再次返到阿根廷，「美球王」继续沉醉於兴奋当中，揽住金盃瞓觉度过回国嘅第一个晚上，他更在个人社交平台发长文，并直言冠军也属於马纳当拿。

将世界盃金盃带回家之後，美斯连环出Post，这位阿根廷队长放了三张与世界金盃一齐嘅「床照」，揽住世界盃瞓觉嘅滋味，佢都等咗十几年，今次唔使发梦，都可以真正将冠军盃当揽枕揽住瞓。

跟住隔左几粒钟，美斯再发感性长文抒发夺冠感受，并上载了一条1分半钟嘅片段，纪录了他由儿时踢波至夺世界盃嘅片段：「由纽维尔旧生（第一间球会）到卡塔尔，将近30年过去，呢30年里面足球带畀我好多欢乐，亦有一啲悲伤。我一直梦想成为世界冠军，我唔想放弃去尝试，哪怕知道呢个可能永远唔会实现。」

美斯无放弃继续追梦，佢话好感恩一班队友一直都无放弃，「我哋今次夺冠，亦系为咗前几届未能夺冠嘅队友们，好似2014年世界盃，果届我哋每个人都配得上夺冠，我哋拚到最後一刻，大家都为冠军搏晒命....虽然那个该死嘅结局，但我哋真系配得上。」已故球王马纳当拿对美斯影响甚深，佢当然记挂在心，「呢个冠军亦属於在天堂一直鼓励我哋嘅马纳当拿，以及一班一直帮助我哋嘅人，佢哋冇计过结果，而一直都专注我哋嘅愿望；当然，呢个正因为系一个团队，教练组同所有工作人员都夜以继日工作，就是令我哋更加放松。」

美斯最後讲咗句「好多时候，挫折系旅程以及学习嘅一部分，没有失望，就不可能取得成功。衷心感谢，阿根廷加油！」相信这是对後辈及年轻一代嘅座佑铭。