阿根廷喺世盃决赛击败法国捧盃，赛後双方出现唔少火药味，早前有法国球迷喺请愿网站Change.org发起联署，指美斯其中一个入波违规，要求重踢世盃决赛，虽然明知冇可能会发生，但一样获得超过20万人联署支持。

阿根廷球迷亦不甘示弱，一名叫高美斯嘅球迷上周六(24日)亦去Change.org发动另一请愿活动，主题系「法国唔好再扭计」，结果2日就有超过70万人联署，民意明显一面倒支持阿根廷，法国继世盃後又输一仗。

法国同阿根廷喺世盃後有唔少牙齿印，阿根廷门将达米安马天尼斯多次挑衅法国球星基利安麦巴比，引嚟唔少球圈人士批评，认为呢位世盃「金手套」一朝得志後，玩得太过火。