82岁嘅巴西球王比利早前已入圣保罗一间医院接受治疗，但情况令人担心，据巴西媒体报道指比利已经不能说话，而其家人已经开始筹备葬礼。

比利女儿周五（23日）晚喺社交平台上载一张身处医院相片，抱着比利：「我哋都喺度，带着信念战斗落去，再一起渡过一晚。」比利女儿早前已表示，呢位球王今年要在医院过圣诞。

然而，据《Infobae》报道指比利病情已严重恶化，几乎无法说话，医院努力抢救，而医院发言人只讲咗一句：「比利还活着。」据巴西媒体报道，巴西政府同比利嘅家人了解情况後已不太乐观，甚至已开始筹备比利嘅身後事。消息指，家人会先为佢进行一次悼念仪式，之後巴西政府会为呢位球王举行大规模公开悼念，仪式计划喺山度士主场举行，呢度系比利於1956年首演嘅地方。

比利因为癌症恶化，导致心脏及肾脏功能失调，呢位足球传奇曾协助巴西於1958年、1962年及1970年捧走世界盃，卡塔尔世界盃举行期间，尼马等巴西国脚曾手持巨型横额为佢打气，而比利一直关注世界盃战况，阿根廷夺冠佢都有为美斯送上祝福。