一代球王比利近日病情恶化，一班儿孙喺圣诞节亦去到医院陪伴床边，据报依家嘅治疗只系尽量减轻比利嘅痛楚。消息指巴西政府已准备「球王」嘅丧礼，比利母会山度士嘅主场被发现搭起帐篷，并且摆放咗一副金色棺材，上面更雕刻住比利嘅肖像。

据比利家人喺社交网嘅更新，比利太太、儿子、女儿同众子孙喺圣诞节都嚟到医院陪伴「球王」，多个南美媒体亦指出，巴西政府、山度士已着手准备丧礼，山度士主场出现嘅金色棺材片段更被网民疯传。

早前消息指，比利家人会先为「球王」进行一次悼念仪式，之後巴西政府会为佢举行大规模公开悼念，仪式计划喺山度士主场举行，呢度系比利於1956年首演嘅地方。