阿根廷喺世盃勇夺冠军，美斯喺捧盃「登基」嘅时刻，获卡塔尔国王塔米亲自帮佢着上一件金边黑色长袍，被球迷视为「龙袍加身」嘅象徵。据报一名阿曼国会议员，向美斯出价100万美元，希望买入呢件意义重大嘅阿拉伯传统服饰。

呢件金边黑袍系叫Bisht，属於阿拉伯传统男士服饰，只有地位崇高喺特殊场合先有资格穿着，系权力嘅象徵。阿曼国会议员兼律师艾巴华尼，日前就喺twitter向美斯开价100万美元收购呢件Bisht：「恭喜你赢得2022年世盃冠军，阿拉伯嘅Bisht代表智慧同骑士精神，我想用100万美元向你买入呢件Bisht。」

艾巴华尼表示佢如果成功入手，会将Bisht作为展览用途：「卡塔尔国王为美斯着上Bisht一刻，我都喺现场睇紧，呢一刻话畀全世界知阿拉伯文化系咩，请好好了解佢。呢位Bisht会被展览，纪念呢一刻嘅骄傲，同时提醒我哋系无所不能。」