曼联周六(31日)英超作客1比0险胜狼队，被领队坦哈格「纪律处分」嘅拉舒福特，半场入替一箭定江山做救世主，呢位英格兰国脚赛後自爆受处分原因，系自己衰烂瞓，搞到「瞓过龙」而迟到球队会议。

拉舒福特赛後表示：「球队有明确纪律，呢啲错误系有可能发生，我对冇份踢正选当然失望，但亦明白领队嘅决定，庆幸曼联最终都可以赢波。我系因为瞓过龙，所以喺球队会议迟咗少少......」

曼联领队坦哈格上任後强调球队纪律，大牌如C朗拿度都受到处分，不过呢位荷兰籍领队就大赞拉舒福特嘅回应：「拉舒福特踢得好生猛，而且仲有入波，呢个系(对处分)正确嘅反应。所有人都要遵从球会嘅纪律同价值，拉舒福特嘅表现就系正确嘅回应。」