以破纪录年薪加盟沙特艾纳斯嘅C朗，去到当地未比赛已经霸气处处，最近更踩埋沙特嘅法例，外媒指佢同女友乔治娜未结婚，理应在沙特唔可以同居，属於违法，但律师团队话呢位超级球星有特殊地位，可以唔受影响。

据沙特嘅法例，一男一女未有结婚是不能同居，否则属於违法，而作为5孩之父嘅C朗同为佢生咗两个细路嘅女友乔治娜，一直未有结婚，如果依照当地法例，佢哋是不可以同住，据外媒报道引述两位沙特律师指，有关委员会对此没有作出任何干扰。

其中一位律师话:「虽然法律上系需要有结婚证明先可以同住，但佢哋采取『只眼开只眼闭』，当然呢条法例，系希望阻止罪案或者一啲问题嘅发生。」

目前，C朗仲未喺艾纳斯注册，据外媒指球队包括C朗在内已拥有9名外援，比起赛会规定多咗一个，如果C朗要上阵，就要喺8人当中先买走或者炒一个，C朗先有位注册。