葡萄牙喺世盃8强出局，领队费兰度山度士亦宣布离职，据欧洲多个权威媒体报道，前比利时领队马天尼斯将会接任葡军新帅，消息指双方已经达成口头协议，只差合约细节就可以正式落实，预计马天尼斯上任後，C朗拿度喺葡萄牙国家队前景会更加乐观。

现年49岁嘅马天尼斯执教比利时6年，随住球队喺世盃分组赛出局後离任，英国《The Athletic》报道，葡萄牙足总已同马天尼斯达成口头协议，正式合约会喺今个星期内落实。葡萄牙下一场国际赛会系3月嘅欧国外对列支敦士登，如无意外马天尼斯可首度领军。

马天尼斯出名信任老将，佢喺比利时就一直重用夏萨特、韦素、梅顿斯、维顿汉等30岁以上球星，对大牌球星不离不弃，37岁嘅C朗拿度仍未决定国家队前途，以马天尼斯一贯作风，好可能仍会对C朗投下信心一票。