英国传媒爆料，周一(9日)举行嘅英足盃牛津联对阿仙奴嘅第三圈赛事，怀疑有球员刻意领取黄牌，从而获得投注利益，英足总已展开调查。

报道指，英格兰足总收到一个涉及操控赛果嘅举报，指喺比赛之前於球场收到一个电话讯息，有人下注牛津联球员施亚朗布朗会喺比赛中攞黄牌。

英国《每日邮报》表示，有目击者声称，喺施亚朗布朗攞牌之後，有少量阿仙奴球迷喺度庆祝，并有人向朋友吹嘘，自己赢咗几百镑。

牛津联发表声明证实事件，指留意到球队对阿仙奴嘅英足盃有异常投注，球会将与调查当局全面合作，但由於事件正在调查，球会唔会作出任何回应。