「摩洛哥1哥」薛耶治於周日(30日)在巴黎现身，准备由车路士转投巴黎圣日耳门，同国家队队友阿舒拉夫喺法甲边路搵食。

法国传媒报道，薛耶治将以外借身分由车路士过档PSG，蓝军希望加入买断条款，不过PSG就想斋借唔买，只要两队达成一致，交易即可完成。

29岁嘅薛耶治在英超3季，上阵98场入14球，不过单计今季仅上阵15场0入球，反而喺卡塔尔世盃就有好表现，一路率领摩洛哥打入4强，最终获得殿军，创下非洲球队喺世盃史上最佳成绩。