冬季转会窗即将关闭，各队都把握最後机会签球员，唯独曼联领队坦哈格做紧另一件事，传媒发现佢同老婆一齐去咗睇楼，似乎准备置业喺曼彻斯特定居。

坦哈格今个冬窗早已获得高层通知，球队唔会花大钱买人，只能够借兵，结果曼联借入荷兰世盃脚韦格贺斯，至於队中边缘球员出售或外借，就交畀手下操作，佢就同老婆去咗曼彻斯特市郊一间地产代理观察，准备买楼。

其实坦哈格家族就系荷兰地产富商，佢去搵英国「行家」睇楼，仲可以顺便了解英国地产行情，报道指，坦哈格依家住喺曼彻斯特市中心公寓，但如果想住大啲，可以去球员云集嘅柴郡，或市郊地段，睇嚟佢有信心喺曼联长期执教，喺度买楼自住更方便。