曼联英足盃第4圈击败雷丁晋级，原来呢场波朗尼带咗大仔Kai前来捧场，Kai仔更搵到拉舒福特合照，而喺Kai仔眼中，福仔已经系传奇。

Kai仔周一(30日)喺个人IG动态上载同拉舒福特合照，照片上写住「传奇」，两人面露笑容，而睇嚟身穿曼联练习波衫嘅Kai仔更开心。

朗尼系美职华盛顿联嘅主帅，睇完波後已经返咗美国，但13岁嘅Kai仔就留喺曼联，佢目前系曼联青训成员，身穿10号球衣，上季交出56球28助攻嘅惊人数据，拍得住佢老窦当年「神童」嘅表现。

假如Kai仔18岁出道，将会系5年後嘅事，到时拉舒福特只系30岁，两人有机会做队友都未定。