今季战绩沉沦嘅利物浦，周日(5日)凌晨英超再陷新低，作客惨吞狼队3蛋，依家排喺联赛榜第10位，同前4球队相差达11分，「红军」领队高普赛後批评球队表现差劲，道歉之余更承志「解释唔到」球队沉沦原因，今季前景暗淡。

利物浦今场有前锋达云纽尼斯复出，不过防线问题更加严重，一开波就被打到立立乱，祖尔麦迪比5分钟就摆乌龙送礼，12分钟奇治戴臣门前射成2比0，利物浦之後稍有起色，但入唔到波之余尾段再失守，鲁宾尼维斯禁区内无人看管下轻松射成3比0完场。

利物浦近4场联赛1和3负，领队高普赛後表示：「我哋有个恐怖嘅开局，2个失球都系防守太差造成，头15分钟嘅表现我解释唔到，但呢15分钟系唔容许发生，一定要改变，呢个系重点。我依家企喺度，但对唔住，我解释唔到嗰15分钟嘅表现。」