曼城将於周四(23日)凌晨欧联16强首回合作客RB莱比锡，赛前「蓝月亮」爆出不利消息，中场奇云迪布尼、2位中坚拿朴迪、史东斯都无缘今场大战。

根据英国《每日邮报》爆料，奇云迪布尼、拿朴迪、史东斯都冇份随队出征，其中史东斯正在养伤，缺阵并唔令人意外，至於奇云迪布尼同拿朴迪点解冇份踢，原因仍然不明，可能同伤患有关。

两人都有份出战上仗英超对诺定咸森林，拿朴迪踢足全场，但呢位西班牙国脚今季经常受伤，至於奇云迪布尼踢到88分钟被换走。

奇云迪布尼缺阵对曼城打击非常大，呢位比利时国脚今季英超已经贡献12次助攻，排助攻榜第1位，今届欧联亦有3次助攻，「蓝月亮」失去佢，组织攻势能力肯定大受削弱。