葡萄牙球星C朗拿度加盟艾纳斯後，喺球场上重拾入球触觉，同时逐渐适应沙特阿拉伯嘅生活。为庆祝2月22日沙特阿拉伯国庆日，C朗同一班队友就着住沙特传统服饰庆祝，呢位38岁传奇喺活动入面非常投入，饮咖啡、四围影相兼拎住长剑跳舞，全程开怀大笑，似乎相当满意佢嘅新生活。

呢个国庆日系沙特国王去年新增设嘅第2个国庆日，全国都会放假，C朗亦喺社交网留言祝贺：「沙特阿拉伯国庆日快乐！能够同艾纳斯一齐参与呢次庆祝活动，系一次非常特别嘅体验。」C朗加盟艾纳斯後头2场正式赛事都冇入波，但之後3仗就入5球，表现愈嚟愈好。