上周中喺欧霸盃被曼联淘汰嘅巴塞隆拿，周一(27日)凌晨西甲作客0比1不敌艾美利亚，今季首次经历2连败。巴塞输波後仍领先次席皇家马德里7分，教练沙维赛後批评球员表现，直至今仗系「今季最差比赛」。

巴塞今场继续用罗拔利云度夫斯基担正抢攻，但面对艾美利亚严密防守，独沽一味传中威胁唔大，巴塞乞仗录得47次传中，系球队自05/06球季系作客最多传中纪录。巴塞入唔到波之余，更喺24分钟走甩比拉托利，被对手攻入全场唯一入球输0比1。

巴塞教练沙维赛後表示：「我好嬲，呢场系今季最差比赛，尤其上半场，缺乏强度、节奏同争胜意欲，我哋唔应该失手。」沙维今场因为抗议判决而食黄牌，连同中场加维累积今季第5黄，下星期对华伦西亚嘅联赛齐齐停赛，而巴塞周中仲要喺西盃大战皇家马德里。