今晚英足盃16强，英冠锡菲联主场越级挑战热刺。热刺仲有唔少伤兵，加上佢哋近年喺英足盃对非英超球队，经常半场未分胜负，半场和有计。（周四凌晨3时55分开赛）

锡菲联目前稳居英冠前列，奥利华麦贝尼、辛达贝治及伊利文尼戴耶等一众主力经验丰富，而且佢哋主场有保证，近8仗主场获7胜1负，当中近4仗3次半场打和，够晒硬净。

热刺饱受伤患困扰，除宾坦古亚提早收咧外，队长洛里斯、比苏马及赖恩施斯隆等续抖，影响唔细，焗用久疏战阵嘅费沙科士打把关，始终唔多放心，近期亦刻意加强防守，连续两仗赢韦斯咸同车路士，都保持清白之身。何况热刺仲要兼顾联赛同欧联，下周中欧联16强次回合再斗ＡＣ米兰尤其紧要，以目前咁单薄嘅兵源，难免要就住嚟踢。翻查纪录，热刺近3次英足盃对非英超球队，全开半场和，包括今届上两圈对朴茨茅夫及普雷斯顿，半场均互交白卷，不妨追多铺。