曼联喺英足盃16强以3比1击败韦斯咸，队长哈利马古尼难得担任正选，并踢足全场，表现获得领队坦哈格大赞。坦哈格透露，有为呢位中坚「私人补习」，提升佢嘅表现。

坦哈格话：「我畀马古尼睇番佢嘅比赛片段，再畀佢其他後衞嘅片段，畀佢对比一下，从而学习改善防守技术，其实对於一位中坚来讲，马古尼嘅技术已经非常高，但要学识点样去运用，产生最佳效果。」希望哈利马古尼经过坦哈格不断指导之下，表现会愈来愈好啦。

曼联名宿坚尼亦赞赏哈利马古尼今场表现，认为佢过去犯错，经常被人无限放大，睇好佢足球事业可以再起飞。