巴黎圣日耳门(PSG)传来噩耗，教练加迪亚证实球星尼马因为受伤，需要休息一段时间，肯定缺阵下周四(9日)凌晨欧联16强次回合作客拜仁慕尼黑。PSG首回合输0比1，冇咗尼马助阵，想收复失地就更加困难。

尼马上月法甲对里尔伤出，已经缺阵上仗对马赛，PSG主帅加迪亚最新透露，呢位31岁巴西国脚嘅伤势唔轻，除咗无缘周日(5日)凌晨法甲主场对南特之外，亦会缺阵欧联对拜仁慕尼黑：「尼马无法喺下场欧联上阵，缺少佢对於球队，绝对系重大打击，到时可能需要加强中场人脚。」加迪亚要求球员先专注应付联赛对南特，唔需要太顾虑欧联赛事。

庆幸PSG另外2位球星美斯、基利安麦巴比状态出色，两人早前互相传射，包办3个入球，协助球队以3比0大胜劲敌马赛，只要佢哋继续有出色发挥，仍然有望反胜拜仁慕尼黑。