卢卡古今季以借用身份，由车路士重返国际米兰，但表现无复当年之勇，国米行政总裁马罗塔表示，呢位29岁比利时国脚今夏借用期届满後，将返回车仔，无意留用佢。

马罗塔话：「关於卢卡古合约问题，佢将会重返车路士，因为我哋系借用佢，必须根据合约行事，之後有冇其他发展，大家拭目以待。」

卢卡古今季为国米上阵18次仅入5球，相比佢首度效力呢支意甲劲旅期间，上阵95次入64球，入球率有天壤之别，难怪马罗塔要「退货」。

不过，卢卡古话好想继续效力国际米兰，将来再返母会安德列治踢到退役，摆明唔想重返车路士。