阿仙奴近3场联赛狂失6分，英超争冠形势急转直下，英格兰传奇前锋连尼加表示，阿仙奴突然崩溃，最大原因系法国中坚威廉沙列巴缺阵。据报呢位22岁中坚腰伤比预期严重，肯定无缘参与对曼城嘅大战，而且更有机会提早收咧。

威廉沙列巴自上月欧霸盃伤出後一直缺阵，近5场联赛都由洛贺丁代替，虽然有3胜2和不败成绩，但就冇一场可以保持不失，近3仗失7球嘅防守更加系失分关键。连尼加表示：「睇数据就知沙列巴嘅重要性，佢受伤之後，阿仙奴近3仗失7球唔系巧合呱？」

威廉沙列巴虽然上星期已进行恢复性训练，而且表明就算未100%康复，都想紮住落场斗曼城。不过据英国《每日邮报》报道，威廉沙列巴腰部出现结构性损伤，如果夹硬复出可能会造成严重後果，军医认为威廉沙列巴唔应该勉强上阵。除咗对曼城唔会踢之外，之後一场对车路士亦多数唔踢得，出现「提前收咧」结局机会大增。