爱华顿季尾如果可以护级成功，门将比克福特喺周二(2日)对李斯特城一仗勇救12码，可能系关键一扑。有网民发现，原来比克福特水樽上已贴有「猫纸」，分析李斯特城12码刽子手嘅习惯，而占士麦迪臣就被睇死会「射中间」，结果比克福特原地救出！

李斯特城喺完半场前呢个12码，如果入咗就几乎判爱华顿死刑，但比克福特选择「唔郁」，原地挡出占士麦迪臣射门。电视台影到比克福特水樽上面，贴有占士麦迪斯、泰利文斯同占美华迪嘅12码习惯分析，「猫纸」显示占士麦迪臣有60%机会射中间，左面同右面各为20%，所以终极建议系「留喺中间」。

比克福特赛後风趣表示：「我谂占士麦迪臣平时冇玩Poker，今次佢上一堂啦！认真讲我赛前做足功课，佢会预计我扑向一边，所以我就扮晒要扑咁。」李斯特城领队甸恩史密夫亦唔怪责占士麦迪臣：「佢喺球队首席射手，比克福特选择企定中间真系好少见，但呢啲事情总会发生。」