巴黎圣日耳门(PSG)近期立立乱，球会宣布罚美斯停赛2星期後，呢位阿根廷球王已铁定季尾约满离队。眼见PSG近期成绩差劲兼管理不当，大批球迷周三(3日)聚集激烈示威，矛头指向管理层同美斯之外，更有球迷去到尼马嘅居所外叫嚣，叫尼马「死X开」！

PSG上仗法甲主场输畀罗连安特，近4仗主场3次输波，加上一直唔续约嘅美斯擅自去沙特「秘捞」被罚停赛，可以话系内忧外患。有PSG激进球迷组织就上街示威，去到PSG总部外高呼要管理层集体辞职，亦有球迷拉横额叫美斯尽快离开，亦有部份球迷去到尼马位於巴黎嘅豪宅外抗议，佢哋不断唱粗口歌「Neymar casse-toi」，意思系「尼马死X开」。

对於球迷种种激烈行为，PSG随即发声明反击：「球会强烈谴责呢一小撮球迷嘅侮辱性行为，呢啲行动系不能接受，冇理据可以解释呢啲可耻行为，球会将全力支持球员同埋管理团队。」