纽尼斯惯性「慢热」 预告下季大爆发!
2023-05-15 来源: 八一体育 点击
利物浦今季成绩下滑,季前以8,500万镑(约8.37亿港元)加盟嘅达云纽尼斯,演出不似预期,今季29场联赛只入9球,不过呢位23岁射手近日表示,佢嘅风格一向「慢热」,经过今季熟习新环境後,下季将会迎嚟大爆发!
达云纽尼斯速度、走位都一流,但系把握力就令人失望,达云纽尼斯表示:「我有好多地方要改善,例如射门技术。但系同样嘅事情都发生喺苏亚雷斯身上,喺佢嘅第2季开始就大爆发。」苏亚雷斯喺利物浦头1季半,喺英超分别只入4球同11球,但之後2季就狂入54球。
同样「慢热」嘅达云纽尼斯,自爆喺宾菲加亦有类似发展:「我效力宾菲加都有呢个情况,第1季喺我个人嚟讲非常糟糕,第2季我就爆发。喺利物浦我相信都系一样,希望下季可以交出我最好嘅一面。」达云纽尼斯20/21球季加盟宾菲加,29场联赛只入6球,但上季就28场入26球成为葡超金靴。
上一篇:《创富Form》双堡大战 赢钱好机会 | 下一篇:普捷天奴组军 提议打包国米双箭头 |
相关阅读
- 05-15《创富Form》双料娱乐 赠送发财大计
- 05-15列斯联逼和纽卡素 攞到吊命1分
- 05-15好波有好报!利辛度将大幅加薪续约
- 05-15比堤:红魔主场杀破「狼」
- 05-15PSG让步「解禁」美斯 今晚正选上阵
- 05-15佐藤寿人:蓝闪电势再下一「城」
- 05-15普捷天奴上「车」签3年 林柏特教到季尾
- 05-15三笘薰出书 教你120种练习盘球秘技
更多>>精选阅读