三笘薰出书 教你120种练习盘球秘技
2023-05-16 来源: 八一体育 点击
白礼顿翼锋三笘薰唔止好波,而且好有文采,根据日本传媒报道,呢位25岁球星所写嘅书籍《VISION实现梦想的逆算思维》将於当地时间6月22日出版,初步发刊5万本。三笘薰将於书中分享球员生涯心路历程,仲会教大家120种练习盘球秘技。
据悉呢本书主要写三笘薰由大学毕业成为职业球员至今嘅经历、遇到问题及解决方法,亦会提及上年世界盃分组赛日本对西班牙,佢喺底线「一毫米救波」传中帮助球队赢波嘅情况,同埋自己今季以7个联赛入波,打破日本球员单季英超入球纪录嘅感受。
三笘薰喺书中当然唔少得分享踢波心得,佢列举出120种自己至今仍然有运用嘅练习盘球方法,仲会讲体能训练及食谱等内容。
三笘薰卖花赞花香话:「点解我可以喺大学毕业之後成为职业球员,以至代表日本国家队踢世界盃,呢本书都会一一说明,唔止足球,我仲会透过呢本书,分享如何以不放弃精神改变人生,同埋讲一啲关於帮助日本球员喺世界球坛取得成功嘅意见。」如果大家想了解三笘薰多啲,甚至从佢身上偷师,学得一招半式,就要记得买书啦。
上一篇:力保前4不容再失 地头龙曼联上盘屠 | 下一篇:普捷天奴组军 提议打包国米双箭头 |
相关阅读
- 05-17这不是要跑死我吗 XD - 看曼城大战曼联的经典镜
- 05-17炒家噩梦!阿仙奴煞科战「黄牛飞」暴跌
- 05-17A山自由身 厂迷望佢重投阿仙奴
- 05-17利物浦7连胜距前4仅1分 曼联纽卡素有压力
- 05-17迪萨比搵MJ帮手 「精神疗法」救白礼顿
- 05-17飞燕诺重夺荷甲冠军 光头主帅过英超执教?
- 05-1712年曼联生涯结束 菲尔锺斯今夏离队
- 05-176连胜火力超猛 利物浦托弗猎狐开餐
更多>>精选阅读