34岁嘅阿历斯山齐士即将回复自由身，有厂迷表示，希望阿仙奴考虑重签呢位智利射手，来季再度冲击英超宝座。

A山在2014至18年效力兵工厂4季，上阵166场入80球45助攻，之後转投曼联同国米，表现大不如前，不过今季喺马赛重拾佳态，上阵41场入18球，佢同马赛即将约满，双方正谈判续约事宜，A山有权选择自由身离队。

报道指，有人将A山推荐畀阿仙奴，认为佢踢法适合球队，消息传出後获厂迷认同，厂迷并冇嫌佢老，仲话：「十分赞成A山返嚟阿仙奴，今季佢喺度嘅话，我哋已经赢咗冠军。」

阿仙奴今季一度有机会问鼎英超冠军，但到最後阶段崩溃，当中好大原因系板櫈深度唔够，同埋经验不足，各界呼吁佢哋今夏继续增兵，免费重签A山都系唔错嘅选择。