法兰克福中场鎌田大地近年表现大勇，吸引各大豪门注意，AC米兰、多蒙特都有意今夏收购呢位26岁日本国脚，据悉佢倾向去意甲搵食，或会接受AC米兰邀请加盟。

AC米兰中场伊斯美宾拿沙早前受重伤，需要休息6个月，会方睇中鎌田大地，认为佢系最佳接替人选。盛传双方已经有接触，鎌田大地亦认同A米嘅发展大计，有兴趣转投「红黑兵团」。

事实上，以往有唔少日本名宿曾经效力意甲球队，包括三浦知良、中田英寿、中村俊辅、本田圭佑等，其中本田圭佑更加效力过AC米兰4季，鎌田大地都想仿效前辈去意甲接受新挑战。

至於多蒙特亦开始斟介鎌田大地，并开出一份丰厚合约，两间球会势必展开一场抢人才大战。