状态巅峰嘅曼城直指3冠王，现已提早夺得英超冠军，今轮主场迎战车路士，喺主场球迷面前，当然希望赢波开捧盃派对，战意毋庸置疑。曼城挟英超11连胜气势，啱啱又杀入欧联决赛，必定乘胜追击，佢哋近6仗主场有5次半场领先，今仗又系曼城主场谢幕战，当然要由头赢到尾，半场主胜抵玩。（Now 621及611周日晚11时直播）

随住争标对手阿仙奴输波，喺联赛已经11连胜嘅曼城提早封王，英超赛会亦宣布将於今场举行颁奖仪式，再者今仗系曼城今季最後一场主场赛事，绝对系开捧盃派对嘅最佳时机，球员当然想踢出最好嘅表现，由头赢到尾咁捧盃嚟完美谢幕。

车路士今季成绩低迷，夏天将会面临大换血，看守领队林柏特亦会离开，众将喺前途未明情况之下，依家正处於「等收咧」状态，战意成疑。事实上就算近年表现「正常」嘅车路士，面对住曼城都绝对下风，两队近5次交手，曼城全部赢波，一於速战速决捧曼城半场胜。